حد يعرف الست دى مين؟

[center] بسم الله الرحمن الرحيم
مر جماعة من الناس بمراة تغرق
*قال لها السلفى اسف انا متوضى*
*واصر الاخوانجى على استئذان المرشد العام*
*واشترط شاب من ابريل على موافقة 120 ائتلاف من ائتلافات الثورة*
*ونصحها الليبرالى ان تخلع ملابسها عشان تقب على وش الميه*
وطالب احد ثوار التحرير بعمل مليونية الجمعة المقبل*
باسم جمعة انقاذ الفتاة التى تغرق
*كما اكد كل من فى العباسية انها لو ماتت تبقى غريقة مش شهيدة
وتساءلو هى ايه اللى نزلها الميه اصلا
*وبكى الجنزورى وهو بيعتذر عشان ابو العربى لسة مابعتش العوامة
*وانتفض البرادعى واخرج الاى باد وكتب على حسابه على التويتر
(كرامة المراة فى الحياه)
*وقالت نوارة نجم واسماء محفوظ ان المجلس العسكرى هو اللى اغرق المراة
وهو المسؤل عن انقاذها*
*وقال مرتضى منصور انه يملك سى دى لهذه السيدة المنحلة
وانها على علاقة بممدوح عباس واحمد شوبير
*واكد توفيق عكاشة ان نزولها للبحر احد طقوس الماسونية وطالب من زملائه البط
التصدى للوؤامرة المدبرة من هذه السيدة
*واكد وزير الداخلية ان ماعندناش بحر اصلا*
*اما المجلس العسكرى فشكل لجنة لتقصى الحقائق لمعرفة الطرف التالت اللى زقها
فى المية

حد عرف مين الست دى؟؟؟؟؟؟؟؟؟؟؟؟؟؟
*
*
*
*
*
*
*الست دى *
**مصر**

والله هم يبكى وهم ييكى خلاص الهم الى يضحك مابقاش يضحك بقى هم ماسخ زى النكته البايخه المتعاده ربنا يشفى جروحك يامصر كل الاسماء الى قلتيها دى جروح فى جسد مصر
ياخساره يامصر بس وحياه الليل هيجى نهار وحياه الظلام لتطلع شمس ومصر هتفضل ام والجنه تحت اقدامها وكلنا تحت اقدامها لك الله يامصر