البلد الحنين ..سميتو يُمٌة و يابا...

البلد الحنين ..سميتو يُمٌة و يابا...
بين العالمين ..عزة و جمال و مهابة..
في العصرية ..شٌفع جارية لألعابا..
و الشاي في المغارب ذكرياتو صبابة..
أشجار السنط العامرة بالترحابا...
وأشجار النخيل..و قُدرتا الخلابة.

ناس من كل لون ..إتعمٌرت أنسابا
و النيل في الهجير...دوٌزن وتر أعصابا..
سمحة الدنيا..بيك..و بين إيدينا حبابا..
يانا أهل بلدنا و قُدرَتم غلاٌبة.
يوسف صالح السمانى محمد

عدد المساهمات: 39
تاريخ التسجيل: 21/08/2010
العمر: 27
الموقع: ام در



رد: بلدى الحبيب ام طريفى
كان زمان في الخميس مارس 31, 2011 12:12 pm

سلام يا يوسف .. وين بلدكم آ ناس ..
ساحات ام طريفي فاقداكم وأنتم من الأوائل الذين (حددوا الميس) واطلقوا نداء " يا الحارس كنتوش أمو " ..
نأمل أن يستمر التواصل مع أم طريفي كان بي مركب كان بنطون كان عوم ..
المهم أم طريفي ..
تحياتنا للوالدة وكل أبناء عمنا صالح، وما تنسى تحركهم معاك وتحرك الشباب الباقين كمان.